施洛神回应沙拿“离队暗示”：佢知曼城降班

利物浦今季气势如虹，重夺英超冠军机会高唱入云，不过王牌前锋穆罕默德沙拿近期多次埋怨未获续约，暗示明年好可能离队，上场联赛后再宣称“可能系最后一次(主场)对曼城”。利物浦领队施洛日前被问到呢个话题就有“神回应”，仲烧埋曼城嘅“115官司”！

沙拿同利物浦嘅合约明年夏天完结，下个月开始佢就可以自由同英超以外球会倾合约，上轮主场赢曼城后声称“可能系最后一次”。对于呢番言论，施洛表示：“或者沙拿知道曼城115条控罪官司嘅消息，所以佢预计曼城下季唔会喺英超......我只系讲笑...重申我只系讲笑。”

曼城上年2月被英超赛会控告违反财务规定，涉及控罪达到史无前例嘅115条，一旦罪成好大机会被罚降班。