【实用文】欧联究竟要几多分先出到线？

欧联去到第6轮，球迷都开始讨论，究竟几多分先稳入16强。根据Opta嘅电脑分析，8场攞到16分，就有98%机会取得前8，直接出线16强，至于攞到15分嘅球队，就有73%机会直入8强，但如果少1分，即系14分，机会就大幅下降到28%。就现时情况嚟睇，利物浦同国际米兰只要今场赢波，16强资格差不多可以话袋袋平安。

如果想喺呢个“瑞士制联赛”，打入9至24名，可以参加两回合嘅淘汰赛附加赛嘅话，攞到10分原则上有99%可以有入场券，如果累积有9分，都有69%可以打入附加赛。

卫冕嘅皇家马德里依家有6分，馀下3场赢晒攞晒9分，就有机会直入8强，否则都起码要攞4分先至稳夺附加赛资格，另一支豪门巴黎圣日耳门仲大镬，依家只得4分，馀下3场分别系作客萨尔斯堡、主场对曼城同作客史特加，PSG究竟可唔可以攞够分数更进一步，真系好大疑问。