利物浦斟利華古遜翼衞　左右閘都踢得

德國傳媒報道，利物浦正斟介利華古遜24歲荷蘭翼衞謝利美費林邦，球員解約金為4,000萬歐元(約3.3億港元)，雙方早在上月初歐聯交手時已有所接觸。

報道指，利物浦上月初歐聯主場迎戰利華古遜，「紅軍」邀請費林邦經理人到晏菲路球場包廂觀戰，與球會高層接觸。加上利物浦現任主帥施洛是荷蘭人，同費林邦同聲同氣，令球隊更加確定今次交易。

費林邦是曼城青訓產品，出道時效力些路迪，2021年轉投利華古遜，上陣164場入27球，包括今季入2球7助攻，2023年入選荷蘭國家隊，可擔任右閘、右中場，亦可客串左閘。無論阿歷山大阿諾特是否離隊，利物浦買費林邦都唔會錯。