曼城先声夺人　“屠魔Goal手”当选总统

曼城将于周一(16日)凌晨英超“曼市打吡”主场迎战曼联，赛前“蓝月亮”先声夺人，名宿卡韦拉什维利当选格鲁吉亚总统，或者可以为球队“冲喜”。

格鲁吉亚中央选举委员会周六(14日)宣布，现年53岁嘅卡韦拉什维利当选新一任总统。资深球迷对于呢位一代射手，并唔陌生，因为佢曾于1995至97年效力曼城，并喺1996年4月对曼联，射入1球，但曼城仍然输2比3，该季更加降班收场。

卡韦拉什维利效力曼城期间总共上阵28场射入3球，离开“蓝月亮”之后，去咗瑞士搵食。由于卡韦拉什维利当时射入曼联大门，佢今次当选格鲁吉亚总统，唔少网民认为系曼城赢波“吉兆”。