阿仙奴落重本增强火力　睇中韦斯咸翼锋

阿仙奴近期喺英超接连失分，进攻力不足系最大原因，据报佢哋为解决呢个问题，准备喺1月“落重本”招兵，目标系韦斯咸嘅加纳翼锋古度斯，预计转会费要8,500万镑。

24岁嘅古度斯系英超“扭波王”，佢上年效力阿积士嗰阵，阿仙奴已经想签佢，不过因财政公平条例未成事，最终被韦斯咸抢走。据《talkSPORT》报道，古度斯明年夏天合约内8,500万镑买断条款将会生效，但如果有球会喺1月份支付相若价钱，韦斯咸亦会乐意放人。

报道指阿仙奴为增强火力，有意罗致呢位翼锋，不过阿仙奴可能要“先卖后买”，传闻李安度杜沙特会被出售，腾出空间进行古度斯嘅收购行动，而纽卡素亦对呢位加纳翼锋虎视眈眈。