未獲阿仙奴續約　些路迪想泰亞尼回巢

阿仙奴蘇格蘭左閘基蘭泰亞尼今季成為「失緃人口」，直至尋晚英聯盃8強對水晶宮終於見到佢傷愈復出，不過據報明年夏天約滿嘅佢不獲會方續約，其母會些路迪希望佢回巢。

27歲嘅基蘭泰亞尼2019年由些路迪加盟阿仙奴，最早幾季都有唔少上陣機會，上季被外借到皇家蘇斯達，今夏歐國盃拉傷大腿抖到依家先復出，不過報道指阿仙奴唔打算留佢，等出年約滿就送佢走。

英國傳媒報道，泰亞尼母會些路迪好關心佢近況，希望佢回巢，最快冬季轉會窗，最遲明年夏天，不過些路迪無力負擔佢10萬鎊周薪，如果歸隊就要主動降薪。