狼隊新帥敲定　唔係蘇斯克查

狼隊早前辭退領隊加利奧尼爾，當時盛傳前曼聯領隊蘇斯克查即將接手，令唔少魔迷開心咗幾日，據報狼隊日前敲定新帥人選，不過唔係蘇斯克查，而係葡萄牙籍嘅域陀佩利拉。

56歲嘅域陀佩利拉從事教練工作超過20年，曾執教波圖、奧林比亞高斯、費倫巴治、哥連泰斯、法林明高，贏過兩次葡超、一次希超、一次中超、，現執教沙特球隊艾沙比。

艾沙比於周三(18日)發表聲明，表示域陀佩利拉已離開，據報狼隊向艾沙比支付80萬鎊(約780萬港元)，雙方簽約18個月，狼隊周日晚英超作客李斯特城，域陀佩利拉將會現身。