曼城衰退之迷解开　两位英人成战犯

曼城今季成绩急速下滑，普遍舆论认为中场洛迪卡斯简迪受伤长抖系主因，但英国传媒近期发现，2位主力菲尔科顿、基尔获加表现严重走样，先至系“蓝月亮”陨落致命伤。

菲尔科顿上季英超上阵35场合共创造27球，包括射入19球及8次助攻，换言之曼城上季联赛96个入波有近28%同佢有关。不过，呢位24岁英格兰国脚今季英超11次披甲都食白果，根据《whoscore》统计，今季英超射门超过20次嘅球员之中，菲尔科顿只有12.5%射中目标，属于各人之中最低，难怪一直未开斋，令曼城攻力受削。

至于34岁防线老将基尔获加状态亦大不如前，佢担任正选嘅比赛，曼城只有20%胜出率，反观佢做后备，胜出率达69%，被指系球队最大负累。加上基尔获加不时爆出私生活负面消息，令人质疑佢冇资格担任队长。

由于菲尔科顿、基尔获加都系领队哥迪奥拿嘅爱将，相信唔会弃用两人，但若然继续重用呢两位英格兰国脚，恐怕“蓝月亮”难以翻身。