倫敦打吡 阿仙奴叉足電撲水搶Ｗ
2024年12月21日 16:01
東網電視
更多新聞短片
英超水晶宮主場鬥阿仙奴。
英超「倫敦打吡」，水晶宮主場再鬥阿仙奴，兩隊3日前先喺英聯盃交鋒，當時阿仙奴半力出擊贏3比2。今場返到英超易地再戰，阿仙奴想保爭標希望已不容再失，決心十足，多位主力周中「叉電」後強勢回歸，演出更有保證，今場熱捧客勝。（Now 621及611周日凌晨1時30分直播）
阿仙奴近2場聯賽都和波失分，鋒力欠銳成為詬病，不過周中英聯盃入3球，有望提升球員信心，巴西前鋒加比爾捷西斯重拾射門鞋，令球隊火力提升唔少。「兵工廠」喺英聯盃畀大部分主力休息，相反水晶宮就強陣出戰，此消彼長下，阿仙奴今場有一定甜頭。
水晶宮踢法進取，並唔擅長踢阿仙奴最驚嘅「泊大巴」，對攻嘅話水晶宮冇着數，何況正選右翼衞丹尼爾蒙路斯累積黃牌夠數要停賽，進一步削弱球隊攻守力量。睇番兩隊近5次對賽，阿仙奴全部順利贏波，今場追客勝好路。
更多賠率：