华迪暗黑伎俩　学对方后卫嘅母语粗口

李斯特城37岁王牌射手占美华迪即将发布全新纪录片，讲呢位一代神锋嘅足球历程，近日部分内容流出，最令网友惊奇嘅系，原来华迪多年来有一项“暗黑伎俩”，就系用粗口攻击对方后卫。

讲粗口系唔啱嘅，我哋唔应该讲，但亦不能怪华迪教坏细路，事关球场上爆粗系好常见，至于华迪以粗口攻击对方后卫，原来都要做事前准备，就系学讲对方嘅粗口。

学讲粗口竟然系华迪嘅备战工作之一？原来真系。事关每场比赛负责看管华迪嘅后卫都唔同，每个后卫都有唔同国籍同来自唔同地方，而华迪嘅“备战工作”，就系学习对方后卫母语嘅粗口点讲，等到球场上同对方交手时，再用对方母语嘅粗口嚟攻击对方，令对方犯错，争取入波机会。

呢招可以话系暗黑伎俩，正规足球训练系唔会教，但华迪足球生涯入咁多波，证明佢呢招系非常有效。