拉舒福特闪电被飞　惨成曼联“孤独精”

英格兰前锋拉舒福特早前宣称准备离开曼联，事业可能出现重大转变，原来佢嘅情路亦遇上打击，据报拍拖冇耐嘅真人骚女星姬丝(Grace Jackson)，最近“狠飞”拉舒福特，因为觉得佢对待呢段恋情唔够认真。

英国《太阳报》报道，同拉舒福特拍拖唔够半年嘅姬丝，最近主动提出分手，佢身边朋友透露：“姬丝觉得拉舒福特唔够认真，对呢段关系只不过玩玩下，姬丝知道冇未来后决定斩缆，佢已经喺IG取消关注拉舒福特。”

球场同情场都失意，报道指拉舒福特最近嘅离队宣言，亦引嚟部份队友不满，消息人士指出：“赢曼城之后全队都好兴奋，球员唔明点解拉舒福特要拣呢个时间做声明，其实自从保罗普巴同连格离队，佢喺曼联都冇乜亲密好友，平时都好静，冇做到领袖嘅角色。”