沙拿恐怖「雙雙」狂創紀錄　續約冇聲氣

利物浦喺英超勢如破竹，埃及前鋒穆罕默德沙拿更有王者氣派，佢喺6比3贏熱刺一仗交出2個入波+2次助攻，今季累積15個入波同11次助攻「雙雙」，喺兩大榜都排名第1位。

沙拿今場狂創紀錄，15個入球拋甩艾寧夏蘭特(13球)獨佔射手榜榜首，11次助攻亦超越布卡約沙卡(10球)成為今季「助攻王」，更係英超史上第1個喺聖誕節前就實現「雙雙」數據嘅球員。

沙拿同利物浦嘅合約去到季尾完結，近期有傳雙方已接近達成續約協議，不過沙拿喺賽後被問題續約消息，佢就簡單回應：「冇、冇消息。」沙拿續約問題成為利物浦球迷心頭大石。