沙拿恐怖“双双”狂创纪录　续约冇声气

利物浦喺英超势如破竹，埃及前锋穆罕默德沙拿更有王者气派，佢喺6比3赢热刺一仗交出2个入波+2次助攻，今季累积15个入波同11次助攻“双双”，喺两大榜都排名第1位。

沙拿今场狂创纪录，15个入球抛甩艾宁夏兰特(13球)独占射手榜榜首，11次助攻亦超越布卡约沙卡(10球)成为今季“助攻王”，更系英超史上第1个喺圣诞节前就实现“双双”数据嘅球员。

沙拿同利物浦嘅合约去到季尾完结，近期有传双方已接近达成续约协议，不过沙拿喺赛后被问题续约消息，佢就简单回应：“冇、冇消息。”沙拿续约问题成为利物浦球迷心头大石。