【意甲】費倫舟車勞頓為「細」所逼
2024年12月23日 18:00
東網電視
更多新聞短片
今晚另1場意甲，費倫天拿主場鬥烏甸尼斯，論今季表現費倫無疑睇高一線，但佢哋上周五凌晨先喺葡萄牙踢歐協聯，舟車勞頓體力難免有影響，加上「紫百合」近6場聯賽有5場總入球開2球或以下，寧博中位數2.5球嘅入球細。（HOY TV 76台周二凌晨1時30分直播）
費倫今季有驚喜演出，成為爭前4位分子，教練柏拿甸奴識得「睇餸食飯」，按現有人腳特質踢穩陣戰術，今季15場聯賽僅失11球，屬意甲失波最少嘅球隊。特別係門將迪基亞重返巔峰，經常「神救」令對手望門興嘆。不過佢哋進攻略嫌單調，往往靠前鋒摩斯堅恩入波，但呢位意大利國腳近4次上陣都食白果，要攻破烏甸防線有難度。
烏甸近期陷入地獄賽程，上輪聯賽輸畀拿玻里之後，上周五凌晨意大利盃作客吞國米兩蛋，連場惡鬥下體力難以維持，加上作客更加唔敢冒進。事實上烏甸今季遇上前列球隊，往往以保守踢法應戰，甚少大敗，今場隨時拉鋸局面，入球細好路。
更多賠率：