阿联酋唔重视海湾杯 科威特装凶作“细”
2024年12月24日 19:01
东网电视
更多新闻短片
海湾杯Ａ组次轮赛事，科威特硬撼阿联酋。(Getty Images)
海湾杯Ａ组次轮赛事，东道主科威特硬撼阿联酋。两军首轮均和波收场，而且科威特前线哑火惟有死守，加上近年碰头例少交收，今场闷斗闷，捧2.5球细盘更上算。（HOY TV 76台周三凌晨1时30分直播）
科威特贵为今届主办国，7月有前巴塞射手比斯上任，但呢位曾执教过智利、沙特阿拉伯、巴林嘅56岁教头，领军10场只得6和4负未赢过，仲要入得8粒咁大把，攻力极度疲弱，今次大军有6名前锋，除咗老将尤素夫拿斯沙之外，其馀5位喺国际赛入球都未达双位数，难怪近5场入得4球，4次开2球或以下，包括首轮被阿曼逼和1比1，前线死晒火焗住守。
以波论波，阿联酋理应胜一筹，呢支由前葡萄牙及南韩教头保罗宾图执教嘅球队，之前喺世杯外曾豪赠卡塔尔同北韩8只光蛋，但佢哋近年唔多重视海湾杯，唔单止自2013年后未尝夺冠，之前两届连4强都入唔到，近6场海湾杯只得2和4负未赢过。翻查纪录，双方近3次碰头，全部都系1球起、2球止，其中2场系海湾杯，预计今场唔会多波入。
更多赔率：