37歲大衞雷斯回復自由身　會返英超嗎？

法林明高官方宣布，37歲前國腳中堅大衞雷斯約滿離隊，回復自由身，結束3年半巴甲之旅。

大衞雷斯今次重返巴甲成績唔錯，3年半為法林明高上陣132場，共贏得1次南美自由盃同2次巴西盃。

呢位「爆炸頭」生涯高峰期都喺英超度過，包括兩度效力車路士，幫藍戰士贏過1次歐聯同英超、2次歐霸同英足盃，轉投阿仙奴後雖然被批評為計時炸彈，但都贏過1次英足盃同1次社區盾。

離開林法明高後，大衞雷斯下一站仲未定，不過如果佢想返英超，邊隊會啱佢？