利物浦繼續強化中場　打算硬撬波圖悍將

利物浦現時嘅中場線已屬歐洲頂級，不過施洛仲未滿意，打算繼續強化，據報佢哋睇中波圖22歲西班牙中場尼高干沙利斯，將會以支付違約金方式硬撬，金額6,000萬歐元（約4.8億港元）。

斟介皇家蘇斯達中場蘇比文迪不果後，利物浦積極推進收購尼高干沙利斯程序，希望喺今個冬季轉會窗或明年夏天完成收購，雖然波圖唔想同利物浦談判，但球員合約中有6,000萬歐元解約金條款，波圖冇得抗拒。

如果呢宗交易順利完成，其實係三贏局面，先係利物浦如願得到尼高干沙利斯，其次波圖去年以900萬歐元由巴塞隆拿買入該球員，今次出售亦可大賺一筆，仲有佢原屬球會巴塞隆拿，都可以分到40%二次轉會分帳，共計分到2,400萬歐元，可謂皆大歡喜。