利物浦继续强化中场　打算硬撬波图悍将

利物浦现时嘅中场线已属欧洲顶级，不过施洛仲未满意，打算继续强化，据报佢哋睇中波图22岁西班牙中场尼高干沙利斯，将会以支付违约金方式硬撬，金额6,000万欧元（约4.8亿港元）。

斟介皇家苏斯达中场苏比文迪不果后，利物浦积极推进收购尼高干沙利斯程序，希望喺今个冬季转会窗或明年夏天完成收购，虽然波图唔想同利物浦谈判，但球员合约中有6,000万欧元解约金条款，波图冇得抗拒。

如果呢宗交易顺利完成，其实系三赢局面，先系利物浦如愿得到尼高干沙利斯，其次波图去年以900万欧元由巴塞隆拿买入该球员，今次出售亦可大赚一笔，仲有佢原属球会巴塞隆拿，都可以分到40%二次转会分帐，共计分到2,400万欧元，可谓皆大欢喜。