【官宣】奥斯卡重投母会：我都赚够啦

前巴西国脚奥斯卡杜斯山度士月初约满离开上海海港，结束8年中超生涯，现时有新着落，正式宣布重返巴甲母会圣保罗，双方签约3年。

现年33岁嘅奥斯卡出身于圣保罗青训系统，并于2008至10年为一队效力，其后转投另一支巴甲球队国际体育会，2012年加盟车路士，捧过2次英超、1次英联杯及1次欧霸杯冠军。

奥斯卡2017年1月以6,000万欧元转会费由车路士加盟上海海港，轰动球坛，因为佢当时只系25岁，竟然放弃踢英超，去中超搵食，被指“自毁前途”。当佢离开上海海港后，一度传出佢可能重投国体会，但最后选择加盟母会圣保罗，签约3年，年薪为2,400万雷亚尔(约3,000万港元)，远低于效力上海海港嘅人工。

据悉奥斯卡效力上海海港8年，总共获得1.92亿欧元(约16亿港元)薪酬，难怪网民话佢已经赚够，想畀其他人赚下，所以重返巴西搵食。