查顿辛祖表现极佳　转会费一升再升

由曼联外借到车踏士嘅查顿辛祖，上半季表现极之出色，据报车路士季尾肯定会将佢永久买断，转会费亦由2,000万镑升到最高嘅2,500万镑。（约1.94亿至2.45亿港元）

查顿辛祖2021年由多蒙特加盟曼联时，转会费高达7,300万镑，但佢加盟后表现一般，沦为后备，甚至被国家队除名，不过当佢离开曼联后，例如上季外借返去多蒙特，又或今季外借到车路士，表现当堂生猛晒，只能讲句曼联唔适合佢。

虽然曼联已经换帅，同佢不和嘅坦哈格已经被炒，但查顿辛祖应该都唔会再返曼联，因为根据外借协议，车路士联赛排名14位以上，就要强制买断球员，现时车路士高踞联赛次席，来季好大机会重返欧联，查顿辛祖永久转会亦相当合理。

查顿辛祖在曼联周薪高达30万镑，但原来今季外借到车路士，佢本人愿意降薪加盟，现时周薪大约为20万至25万镑，车路士买断佢并无太大困难，而曼联亦可以摆脱呢个大包袱，都算系好事。