曼聯又爆內訌　海倫迪亞路再鬧不和

曼聯3連敗成績低迷，隊中更是非多多，繼拉舒福特離隊宣言、杜維爾馬拉西亞無故被雪後，又有眼利網民發現，場上一對進攻組合海倫及阿密特迪亞路再鬧不和，似乎成隊波接近失控。

不和事件一幕發生喺上場聯賽對狼隊，上半場40分鐘比分仲係0比0，迪亞路在右路引球進攻，在禁區頂自己起腳，但省中對方球員身體彈出，無功而還，當時海倫走空位等佢交波，浪費大好機會後，海倫腿踏地擺動雙臂，身體語言好明顯係表達不滿。

其實呢對攻擊組合已經係兩周內第2次鬧不愉快，上次係歐霸盃對柏辛域陀尼亞，踢到補時階段，同樣係迪亞路太獨食唔交波，賽後海倫甚至對迪亞路破口大罵，依家再加埋狼隊呢球，兩人關係相當唔和睦。