曼城贏波沖喜　夏蘭特做老竇即破入球荒

近況差勁嘅曼城，喺2024年最後一仗贏波沖喜，周日(29日)英超作客2比0擊敗李斯特城，終止5場不勝頹勢。挪威前鋒艾寧夏蘭特今場打破入球荒，賽後更被領隊哥迪奧拿踢波啱啱做咗老竇，雙喜臨門。

曼城21分鐘由沙雲奴執雞先開紀錄，呢球係呢位巴西翼鋒加盟曼城後第1個入球，74分鐘佢再喺左路傳中，助攻無人看管嘅艾寧夏蘭特頂入，協助曼城贏2比0，而艾寧夏蘭特亦打破4場入球荒。

哥迪奧拿賽後踢爆，夏蘭特日前榮升爸爸：「有時候夏蘭特會受到劣評，但足球就係咁樣，佢好努力嘗試，早幾日仲第1次做爸爸，呢幾日對佢嚟講係好激動同興奮！」