几时续约利物浦？沙拿回应吓亲球迷

利物浦依家如日方中，穆罕默德沙拿嘅表现更被视为“金球奖”级数，不过续约嘅阴霾持续笼罩，对韦斯咸后被问到几时续约利物浦，沙拿直接回应“仲差好远”，令利迷非常担心。

沙拿同利物浦嘅合约季尾完结，1月1号开始就可以同英超以外球会自由斟介，虽然佢全心希望留队，但薪酬条件同利物浦倾唔掂数，令续约陷入僵局。

对韦斯咸交出1入波同2助攻后，沙拿被问到有冇接近续约，呢位埃及前锋表示：“仲差好远，我唔想将啲嘢拎喺媒体上讲，之后其他人就说三道四，但依家系冇乜进展过，我目前只系专心帮利物浦赢英超冠军。”