【英超】死守鬥車 葉士域治+2值博
2024年12月30日 16:00
東網電視
更多新聞短片
連續兩場失分嘅車路士，將會作客葉士域治。一般球迷都會覺得車仔要搶分，今場要大勝番場，但唔通葉士域治又唔使搶分咩？葉士域治好守得吓，近9場2勝2和5負，但5場敗仗4場只以1球距離輸波，今場車路士讓球主客和「-2」未必開得出，推介葉仔受讓嘅讓球主勝。（Now 623周二凌晨3時45分直播）
葉士域治排尾二，球隊自知技不如人，對中上游球隊，好多時都採取死守，好似上場作客阿仙奴，全場只有32.2%控球率，僅3次射門而且唔中目標，總之就係10個人塞晒喺自己半場，即使落後之下，都唔會撳番上去，只係去到下半場尾段，先至做番幾個攻勢，相信今場對住車路士，亦都會照辦煮碗。
車仔上場對住富咸，領先1球之下，臨尾畀富咸連入2粒反輸，預料今仗對葉士域治形勢相若，都會係一邊主攻，一邊主守，到尾段葉仔做幾下反擊，經過上場失分，相信車仔後邊會做番好少少。論實力，車仔贏波係理所當然，但聖誕新年快車賽程頻密，贏波全取3分就夠，唔使大炒，加上葉士域治好少輸2球或以上，今場寧取讓球主勝。
更多賠率：