阿傾身家再升　估計超過8.9億

英格蘭隊長哈利卡尼足球生涯雖然未攞過冠軍，但呢位「無冕球王」吸金能力驚人，據報佢成副身家再度上升，估計已超過9,100萬鎊(約8.9億港元)，並且係兩間公司嘅老闆。

阿傾嘅主要收入來自拜仁慕尼黑嘅薪酬，周薪高達40萬鎊，年薪就有2,080萬鎊，贊助商同形象版權收入為1,080萬鎊，都係佢主要收入來源。

除咗踢波賺錢，近年佢開始做生意，投資一間地產公司，公司最近增值200萬鎊，現時價值1,500萬鎊。

另外佢亦持有一間名為HK28嘅公司，主要處理佢投資同贊助業務，公司現金及資產為1,100萬鎊。