阿倾身家再升　估计超过8.9亿

英格兰队长哈利卡尼足球生涯虽然未攞过冠军，但呢位“无冕球王”吸金能力惊人，据报佢成副身家再度上升，估计已超过9,100万镑(约8.9亿港元)，并且系两间公司嘅老板。

阿倾嘅主要收入来自拜仁慕尼黑嘅薪酬，周薪高达40万镑，年薪就有2,080万镑，赞助商同形象版权收入为1,080万镑，都系佢主要收入来源。

除咗踢波赚钱，近年佢开始做生意，投资一间地产公司，公司最近增值200万镑，现时价值1,500万镑。

另外佢亦持有一间名为HK28嘅公司，主要处理佢投资同赞助业务，公司现金及资产为1,100万镑。