梅迪歷藥檢肥佬後求助　被舒夫真高CUP線

車路士烏克蘭國腳梅迪歷被查出使用禁藥，面臨最高停賽4年處分，大好前途危在旦夕，據報梅迪歷事發後向烏克蘭足總主席舒夫真高求助，但遭對方CUP線。

梅迪歷被查出體內含有違禁藥物米屈胼，正等待B樣本結果，如果結果相同，就會被罰停賽，最高可停賽4年。梅迪歷事發後十分徬徨，曾先後致電烏克蘭國家隊領隊列布夫，以及烏克蘭足總主席舒夫真高，結果舒夫真高直接CUP佢線。

反而列布夫反應好正面，列布夫表示會企喺球員一方作出支持，佢話：「我同佢傾過電話，佢情緒好低落，依家所有嘢都未正式公布，我會給予支持。」列布夫仲話會同梅迪歷一起戰鬥，總之同舒夫真高嘅反應截然不同。