西甲官网“删除”奥莫　拉波塔拒辞职

巴塞隆拿喺2025年即闹出笑话，因为未符合财务条例，搞到丹尼尔奥莫同保罗域陀两位球员未能重新注册，下半季面临无波可踢危机。西甲官网行动迅速，已将两位球员喺网页“删除”，而受到千夫所指嘅巴塞会长拉波塔，就拒绝引咎辞职。

西甲赛会证实丹尼尔奥莫同保罗域陀重新注册失败后，官网已删除两人资料，就连查阅巴塞上半季嘅数据，两位“被消失”嘅球员数据仍在，但相片世置只系黑色一片。西班牙足总规定球员同一季内唔可以喺同一球会两次注册，据报巴塞仍然希望足总可以“通融”，畀佢哋搞掂财政问题后再为球员注册。

今次搞出大头佛，作为会长嘅拉波塔责无旁贷，唔少球迷要求佢为事件负责下台，不过西班牙《每日体育报》报道，任期到2026年嘅拉波塔表明唔会辞职，但如果最后得唔到“圆满结局”，拉波塔明年竞选连任成功机会将大打折扣。