阿仙奴斟久保建英　直接啟動違約金條款

阿仙奴為增強實力競逐英超，冬季轉會窗全力物色頂級攻擊球員，據日本傳媒爆料，阿仙奴計劃收購皇家蘇斯達翼鋒久保建英，甚至會啟動佢合約內6,000萬歐元買斷條款。

日本足球消息權威Marco Molla報道，阿仙奴正考慮簽入23歲日本國腳久保建英，可以踢兩翼同進攻中場位置嘅佢，亦已得悉阿仙奴嘅計劃，對於去英超發展持開放態度。

雖然皇家蘇斯達未必願意放人，不過久保建英合約內有6,000萬歐元買斷條款，阿仙奴只要同球員傾掂數，就可以畀錢攞人，就好似4年幾前用違約金直接收購馬體會中場湯馬士柏迪一樣。

阿仙奴攻擊線人手不足，季初借用嘅史達寧未受重用，加上布加約沙卡重傷長抖，久保建英如果今個月加盟，對阿仙奴爭逐各項賽事會係強心針。