一種情況　曼聯將遭遇116年恥辱紀錄

曼聯將於周一(6日)凌晨英超作客利物浦，紅魔鬼已經連輸3場聯賽兼冇波，如果今場再輸波捧蛋，就會創下球隊近116年首次聯賽4連敗兼冇波入嘅恥辱紀錄。

曼聯近3場英超分別0比3不敵般尼茅夫，以及同樣以0比2輸狼隊、紐卡素，如果今場又輸及冇波入，就會係紅魔鬼近116年第一次連續4場聯賽捧蛋輸波。曼聯近8次英超作客利物浦，只有4和4負，今仗形勢相當悲觀。

另邊廂，利物浦今季英超首循環作客大勝曼聯3比0，如果今場再贏，施洛就會成為近88年，首位第一季執教利物浦，就喺聯賽「雙殺」曼聯嘅紅軍主帥。