密会曝光！朴达执教韦斯咸好事近

韦斯咸今季喺英超成绩低迷，上年先上任嘅领队卢比迪古一直被传帅位不稳，随住最近2场联赛惨败后，换帅一事势在必行，网上更流出韦斯咸总监史甸顿同前车路士领队朴达密会相片，成事机会唔细。

韦斯咸近2仗被利物浦同曼城大炒，依家排喺第14位，盛传佢哋想斟朴达接手，而社交平台X帐号WestHam_Central更公开一张酒店偷拍相片，见到史甸顿正同朴达见面。

49岁嘅朴达自2023年离开车路士后，一直未有落班。英国《天空体育》消息指，韦斯咸如果同朴达倾掂，就会正式将卢比迪古炒鱿。