拜仁尋覓紐亞接班人　睇中「日本奧拿拿」

拜仁慕尼黑門將紐亞已年屆38歲，雖然會方打算同呢位隊長續約至2026年6月，但亦要開始為佢搵接班人，並有初步人選，就係效力意甲球隊帕爾馬嘅日本國腳鈴木彩艷。

現年22歲嘅鈴木彩艷屬於日本及加納混血兒，因而有「日本奧拿拿」之稱，呢位身高1米90嘅鋼門2023年被浦和紅鑽外借去比甲球隊聖圖爾登，憑出色表現引起大球會注意，曼聯早於1年前已經想簽入佢。

不過，鈴木彩艷認為成「魔」，難有上陣機會，上年夏天決定加盟帕爾馬，並穩坐正選位置，表現獲得肯定，將來有能力接替紐亞位置。

除咗門將之外，拜仁亦計劃收購賀芬咸19歲中場湯比斯卓夫，呢位德國新星今季聯賽入2球及1次助攻，拜仁方面認為佢係老將湯馬士梅拿嘅合適接班人。