纽卡素小球迷上电视断正　被揭逃学睇波

爱队赢波好容易令人得意忘形，日前英联杯4强首回合，纽卡素作客2比0击败阿仙奴，现场观战嘅球迷自然欣喜若狂，但当电视画面影到一名小球迷庆祝时，结果揭发呢个细路系逃学睇波。

呢位小球迷社交平台名字叫“森美”，当晚纽卡素在英联杯4强作客首回合2比0击败阿仙奴后，佢被电视台摄影师拍下兴奋庆祝画面，而睇波团亦将佢现场睇波张相上载上社交平台，结果被学校发现。

原来呢位小球迷事前已向学校告假，但当佢被揭发逃学睇波，学校立即向小朋友家长发电邮，表示因为喺电视见到森美，其告假申请已被取消，森美被视为旷课，家长如果想同学校商讨，可以同学校联络。

对于森美嚟讲，作客现场睇住爱队赢波，系一次一生难忘经历，至于佢会否因为今次逃学受罚而唔开心，则属后话。