曼聯願出售加拿祖　標價5.7億

曼聯想增兵，首先就要出售現有球員，騰出薪資空間，以及符合財務規定，據報曼聯願意出售阿根廷翼鋒阿歷真度加拿祖，標價6,000萬鎊（約5.7億港元）。

由於成績走勢向下，曼聯1月有增兵需要，畀機會新帥魯賓艾摩廉調整陣容，但同時又要遵守英超盈利和可持續性規則，所以必須出售球員減磅，先可以買人。

曼聯已有計劃出售拉舒福特、安東尼馬菲奧斯及卡斯米路等球員，但都唔及出售加拿祖有效，因為出售呢位阿根廷新星，可為球隊帶來100%利潤。

加拿祖雖然並非球隊正選，但在市場有一定價值，曼聯為其標價6,000萬鎊，此價錢仍未收到任何報價，相信只有一線豪門有能力出手。