希拉爾開3倍周薪斟紐尼斯　利物浦願放人

達雲紐尼斯近日成為沙特豪門希拉爾目標，據報該隊開出周薪40萬鎊(約370萬港元)，相等於現時利物浦3倍人工斟介，利物浦願意聽取報價，轉會費足夠就會放人。

利物浦2022年夏天以8,500萬鎊從賓菲加簽入達雲紐尼斯，但佢表現同身價不符，現時在紅軍眾多射手中出場排序包尾，今季上陣26場，包括上場英足盃對英乙阿克寧頓正選披甲，連費達歷高基艾沙都有士哥開齋，但佢就冇進帳。

達雲紐尼斯在利物浦並非核心主力，其周薪只有14萬鎊，合約到2028年6月，希拉爾斟介必須支付轉會費，不過分析指希拉爾唔會開出比8,500萬鎊更高轉會費，至於利物浦立場是，只要足夠報價就會放人。

25歲嘅達雲紐尼斯現時在《轉會市場》身價估計為6,500萬鎊。