前曼聯後衞「送禮」 車路士反勝升上前4位

2025年02月04日 09:01
東網電視
更多新聞短片
高爾彭馬(20號)傳中,雲比沙卡出腳攔截改變方向入網。(Getty Images)
周二(4日)凌晨英超,車路士主場出擊卻陷入苦戰,多得對手韋斯咸後衞雲比沙卡擺烏龍,驚險反勝2比1,力壓曼城及紐卡素,升上第4位,爭奪下屆歐聯入場券形勢佔上風。
車路士原本正選門將羅拔山齊士近期表現差,今場改由佐真遜把關,但仍然成為先失守一隊,戰至42分鐘,韋斯咸由查洛保雲射入打開紀錄。
換邊之後,車仔主帥馬利斯卡經過更換4位球員終於奏效,64分鐘由後備上陣嘅柏度尼圖把握門前混戰射入扳平。10分鐘後,高爾彭馬左路傳中,雲比沙卡出腳攔截改變方向入網,賽會計為烏龍波,呢位前曼聯後衞慘成韋斯咸輸波罪人。
車路士雖然上場不敵曼城,但今仗贏波後,以2分優勢力壓「藍月亮」升上第4位。賽後車路士領隊馬利斯卡話:「整體而言,我哋值得贏波,今季我哋試過多次落後之下反勝,呢種就係足球,我希望球隊一直可以保持前4位置。」韋斯咸上月初聘請前車仔主帥樸達執教,可惜佢今場未能報回2年前被車路士炒魷之仇。