曼聯送走馬拉西亞 留住加拿祖

2025年02月04日 13:02
東網電視
更多新聞短片
杜維爾馬拉西亞(左)重返荷甲搵食。(Getty Images)
繼拉舒福特被外借去阿士東維拉之後,曼聯喺冬季轉會市場關閉前,再有球員離隊,將左後衞杜維爾馬拉西亞外借去荷甲球隊燕豪芬,早前一度盛傳會被出售嘅翼鋒阿歷真度加拿祖獲得留隊。
杜維爾馬拉西亞2022年7月由飛燕諾加盟曼聯,屬於前曼聯主帥坦哈格首位簽入嘅球員,但因為長期受傷,近2季僅上陣8次,新領隊魯賓艾摩廉講明呢位25歲荷蘭國腳唔適合現時戰術,加上近日簽入萊切左翼衞柏德列多古,所以決定放走佢。
賓菲加曾有意簽入杜維爾馬拉西亞,但其後打退堂鼓,最後佢返回荷蘭,外借去燕豪芬,直至今季結束。
另外,曾盛傳曼聯計劃出售阿歷真度加拿祖,意甲勁旅拿玻里多次提出收購呢位20歲阿根廷國腳,但最終未成事。
英國《曼徹斯特晚報》指曼聯留住加拿祖係順應民意,因為佢今季入8球及6次助攻,深受球迷歡迎,如果會方賣走佢,可能會引起球迷騷亂。