C朗自己宣布:我係史上最佳球員
2025年02月04日 21:00
東網電視
更多新聞短片

C朗自封史上最佳。(Getty Images)
將滿40歲嘅C朗最近接受西班牙傳媒專訪,信心爆棚嘅佢自己宣布:「我就係史上最佳球員!」佢仲話要創1000球紀錄,事情應該順其自然,史上最佳同入球數字就在這裏。
C朗表示自己一直追求進步:「100個讚美同1個負面批評,我會重視嗰1個負面批評,不過依家睇開咗,會更珍惜愛護我嘅人,詆毀者只係出於嫉妒。」
面對挫折同失敗,C朗亦有所改變:「失敗仍然難以接受,但我學會唔將比賽嘅失意帶返屋企,以前如果我射失12碼,我會閂埋房門唔食飯,成晚自言自語,依家就唔係咁。」
C朗認為自己已經係史上最佳球員,佢話:「我就係史上最佳球員,我嘅入球數字就喺度,我仲影響咗無數球員,特別喺身體恢復領域。」
佢仲話:「有人可能鍾意美斯或馬納當拿,我會尊重,但我係最全面嘅。我係史上最佳球員,我從未見過比我更強嘅球員。我擅長頭槌、左腳右腳、12碼、自由球、速度快、彈跳力強、身體強壯。」