港超聯U22聯賽 李兆軒潘沛軒:啟德場氣氛好正

2025年02月04日 22:46
東網電視
更多新聞短片
潘沛軒(左)及李兆軒對在啟德主場館作賽非常興奮。(鄧文滔攝)
啟德主場館周二(4日)晚上舉行1場「港超聯U22聯賽」,最終傑志U22以4比1輕取北區U22,「藍鳥」前鋒潘沛軒及攻入啟德主場館落成後首球的李兆軒,大讚啟德主場館的設備及氣氛極佳,期待日後有機會於啟德作賽。
開賽僅12分鐘「藍鳥」的17歲小將李兆軒,以半單刀率先打開記錄,於5萬名入場人士前射入啟德主場館落成後首球的他,賽後形容自己心情興奮又享受:「入完波嗰下都好興奮,成個氣氛好正,啲觀眾無論識唔識你都好,佢哋都會不斷歡呼鼓勵,令到球員好想喺呢個舞台表現自己。甚至之前我踢全運會,當時都只係得3萬個觀眾,今晚就有5萬人嚟睇波,所以個氣氛更加熱鬧。」
啟德主場館採用仿真草地,李兆軒又直言初踏場地時感到意外,但整體場地設備及質量都非常好,能夠為球員提供良好的比賽環境:「我嚟之前都以為係踢真草,但係嚟到先知原來踢仿真草,可能開波前灑咗啲水,所以都有少少跣。無論更衣室定整體設備都非常好,踢落真係幾舒服,香港好像第一次有個球場可以容納到咁多人,希望可以舉辦多啲唔同賽事,畀年輕球員體驗到咁專業嘅設施。」
而上年曾經代表港隊出戰卡塔爾亞洲盃分組賽的潘沛軒,就指啟德主場館與卡塔爾球場質素差距不大,相較可容納4萬觀眾的香港大球場,啟德的氣氛更為熱烈:「我覺得呢個球場唔會比卡塔爾球場相差好多,10分裏面我都覺得有7、8分,燈光設備其實都okay,處理高波都唔會掁眼。如果畀我呢一刻揀,咁梗係呢度氣氛好啲,因為啱啱有5萬人,你射每一個波觀眾都有嗌,感覺比起大球場個回音再勁啲。」