霸氣!尼馬坐直升機去山度士練波

2025年02月05日 14:03
東網電視
更多新聞短片
尼馬去到邊都係焦點。
巴西球星尼馬早前宣布童話式回歸山度士,立即成為巴甲焦點,呢位「比利接班人」排場十足,周二(4日)出席山度士首課操練,就坐住私人直升機「空降」登場。
據巴西《環球體育》報道,尼馬同屋企人都住喺里約熱內盧,去山度士訓練場路途遙遠,坐直升機都要1個鐘頭,不過呢架2019年專門訂製嘅直升機相當豪華,可以載兩名機員同8個成客兼行李,而且可以喺惡劣天氣環境下飛行,每次行程費用約480鎊,呢個數仲未計算機司嘅人工同保養費。
小數怕長計,而且為爭取更多休息機會,消息指尼馬打算喺山度士附近購買豪宅,目標係聖特雷澤尼亞山嘅新起豪宅區,買屋後就會帶埋家人一齊搬屋。