东网电视
更多新闻短片
史达宁今场交出2次助攻。(Getty Images)
周四(13日)凌晨欧联16强次回合，阿仙奴喺主场对燕豪芬嘅“例行公事”排出怪阵，6个左闸都先后上阵，最后由史达宁交出2次助攻，同燕豪芬踢成2比2平手，两回合合计大胜9比3，连续两年跻身欧联8强。
残阵嘅阿仙奴喺首回合狂胜，今场留力下排出怪阵，左闸基兰泰亚尼以正选左翼上阵，另一左闸辛真高就重操故业踢进攻中场，中坚积及基奥柯今季亦踢过左闸，连埋后备上阵嘅卡拉费奥利同祖利安添巴，加上正选左闸利维斯史基利，今季踢过左闸嘅6个球员都落场，何其壮观。
阿仙奴开波6分钟就由辛真高远射先开纪录，燕豪芬18分钟凭比列锡妙射追平，37分钟史达宁右路底线传中，迪格兰赖斯接应顶成2比1，但70分钟被迪里奥治单刀攻陷，次回合踢成2比2完场。史达宁今场交出2次助攻当选最佳球员，但佢因为拎到黄牌，要喺8强首回合停赛。
