东网电视
更多新闻短片
阿诺特受伤对利物浦影响唔细。(Getty Images)
利物浦喺欧联16强出局，右闸阿历山大阿诺特更喺对巴黎圣日耳门一战伤出，据英国《每日邮报》报道，呢位英格兰国脚虽然逃过严重受伤，但亦肯定无缘踢嚟紧场英联杯决赛，连续2年错过呢项赛事决赛。
阿诺特上场足踝扭伤，膝头亦受牵连，一度有传佢可能提早收咧，不过《每日邮报》指经过初步检查，发现佢伤势唔算太严重，有望喺球季完结前出返，但周一(17日)凌晨对纽卡素场英联杯决赛肯定唔踢得，考虑到干拿巴特利同祖高美斯依家都有伤，决赛可能要用昆沙做右闸。
利物浦上届英联杯决赛击败车路士捧杯，阿诺特同样因伤缺阵，似乎冇乜“英联杯命”。除利物浦之外，英格兰领队杜曹即将公布首份大军名单，阿诺特原本肯定入围，但依家就杀杜曹一个措手不及。
