东网电视
更多新闻短片
艾达古拿同苏保斯拉尔发生冲突。
球场上面发生冲突场面司空见惯，不过利物浦中场苏保斯拉尔同皇家马德里新星艾达古拿，近期就喺国际赛离奇结怨，事后仲发展成“小学鸡式”抽水互窒，网民就狂食花生。
话就土耳其日前喺欧国联升降班附加赛，两回合计6比1大破匈牙利“升班”。土耳其新星艾达古拿入波后，向曾经对佢“出口术”嘅匈牙利队长苏保斯拉尔做出“收声”手势。
唔顺气嘅苏保斯拉尔赛后抽水，喺一则报道入面留咗个神秘数字“1088”还击，原来1088系艾达古拿今季喺皇马上阵嘅分钟，寸呢位20岁小将只系一个“大后备”。
艾达古拿亦唔系善男信女，随即再喺IG贴出次回合3比0比数，同埋两人冲突相片，留言：“呢个人系个笑话，6个入波都唔够令你收声咩？”
