东网电视
更多新闻短片
美斯冇咗贴身保护。
美斯贴身保镖卓高证实，佢被美职赛会同中冠杯赛会禁止进入球场草地，即日起美斯在场内失去私人保镳保护，闯入球场嘅球迷都可以随便埋佢身。
卓高被禁止入场嘅原因，系去年4月中冠杯国际迈亚密对蒙特雷，卓高同蒙特雷职员发生冲突，因为呢件事，近日卓高证实自己已经无法再进入美职同中冠杯赛场嘅草地，只容许进入更衣室同混合采访区。
前军人卓高坦言，对于美职赛会嘅裁决，佢只能接受，不过冇佢喺度，美职同中冠杯赛场将变成冇掩鸡笼，佢话：“我喺法甲同欧联做同样工作长达7年，喺我面前发生嘅球迷闯入球场事件只发生过6次，但当我同美斯嚟到美国，20个月以来已经发生过16次。”
有卓高喺度，美斯喺比赛期间安全受到保障，依家冇咗佢，如果美职当局唔特别为美斯加强场边保安，美斯落场比赛就有好大风险，可以预计，将会有更多攞签名同合照嘅球迷冲入场。
