艾迪侯域證實患肺炎　繼續留醫抖多2場

紐卡素領隊艾迪侯域上周五(11日)因病入院，好在球隊非常爭氣，主場4比1大炒曼聯進佔第4位。不過紐卡素周四(17日)凌晨補賽對水晶宮，艾迪侯域仍會繼續缺陣，佢證實自己感染肺炎，仍然要留院治療。

紐卡素證實艾迪侯域患上肺炎，預計會缺席周四對水晶宮同周日(20日)作客阿士東維拉兩場大戰，繼續由助教天度爾暫掌帥印。紐卡素近期聯賽4連勝，大有機會拎到下季歐聯入場券，艾迪侯域最快喺月底對葉士域治一仗復出。

艾迪侯域透過紐卡素官裝表示：「非常感謝各界對我嘅關心，你哋對我同我家人意義重大，我亦好多謝醫護人員嘅悉心治療，經過一段時間嘅休養之後，我非常期待盡快重返球場。」