曼聯2揀1　賣海倫留舒克斯

曼聯近期在中鋒位置上，海倫同約舒亞舒克斯2揀1，兩人交替輪換，但原來主帥魯賓艾摩廉心目中已經有答案，據報艾摩廉打算留用舒克斯，並對其作用從新評估，至於海倫將在今夏出售，再在市場上物色新中鋒。

英國傳媒報道，艾摩廉今夏將會重組陣容，其前鋒位置將會換血，丹麥前鋒海倫表現不達標，今季上陣43場僅交出8入球4助攻，將被掛牌出售，海倫於2023年夏天以7,200萬鎊高價由阿特蘭大加盟，曼聯今夏願意以5,200萬鎊出售，帳面虧蝕2,000萬鎊。

至於原本被外間一致認為被棄用嘅舒克斯，反而有得留低，佢今季僅交出7入球2助攻，數據比海倫更差，不過艾摩廉認為佢態度良好，而且有進步趨勢，艾摩廉將重新評估呢位荷蘭鋒將在隊中位置，下季預埋佢。