曼聯未黑完！舒克斯傷患嚴重傳提早收咧

曼聯今季衰運未停過，喺歐霸盃8強次回合對里昂前，傳出前鋒約舒亞舒克斯大腿傷患嚴重，今季有可能要提收咧，未能為曼聯爭逐歐霸盃冠軍出力。

舒克斯喺上場對紐卡素嘅聯賽，因拉傷大腿提早離場，當時領隊魯賓艾摩廉指佢將「缺陣幾場」，不過英國傳媒報道，呢位荷蘭前鋒傷勢比預期嚴重，會「缺陣數個星期」，甚至可能提早收咧。

舒克斯上年由博洛尼亞加盟後，初時表現備受批評，不過近期逐漸企穩陣腳，今季各項賽事累積7個入波同2次助攻。曼聯依家只得海倫一個箭頭，預計丹麥小將奧比馬田會喺英超孭飛。