艺人吴海昕（Sofiee）、关楚耀（Kelvin）与陈维诺等昨晚（19日）出席电影《失衡凶间》首映礼。戏中饰演一名神经质女作家的Sofiee，表示为角色事前做足功课，她説：“睇咗《异度空间》同《鬼域》参考，可能太入戏，导演叫我喺墙上面写爱情故事，但我就好自然咁写咗啲好血腥嘅嘢，哈哈。（会担心难抽离角色？）又唔会，其实部戏有黑色幽默元素，有好多描写心理上嘅嘢，同埋有荒诞嘅成分。”她透露曾于拍摄现场向前辈任贤齐请教：“问点做好惊嘅表情，但佢话其实唔使特登去做，有时好平静或呼吸声已经可以令观众有好大嘅幻想空间。”问到本身是否大胆之人？她説：“都算大胆嘅，我以前做空姐，惯咗一个人住酒店。（拣男友系咪都要求大胆？）唔使，咁重阳气都够。（如果佢细胆？）我保护番佢，我都几壮㗎，哈哈。”<br/><br/>至于关楚耀就谈到早前踩山路单车时意外断手一事，他说：“跌低之后摸到左边膊头条骨凸咗出嚟，最初以为系甩骹，托咗几次都唔得，1、2分钟后就休克咗，啲朋友就一直叫我顶住唔好瞓。（以前有冇试过咁严重？）应该系有生以来最严重一次，拍戏都未试过咁伤。（会有阴影？）有，依家踩单车OK嘅，但极限运动就唔会玩，咁嘅年纪唔好搞咁多嘢喇。”他坦言事件后明白健康的重要性，又感谢女友于他休养期间的照顾及支持：“最初我仲谂返唔返内地接部戏，反而系佢叫我有机会就去尝试。”他表示经历今次事件后，2人的感情更好，问他何时迎娶女友？他说：“心态上好多嘢我哋都有沟通，等紧时机，等紧经济好返。（通关就求婚？）希望快啲通关，经济起飞我就求婚。”<br/><br/>