黃浩然繼續休養暫停拍劇

藝人黃浩然出席鞋履品牌活動，早前感染「貝賽特氏症」導致喉嚨發炎潰瘍的他，除被迫辭演新劇，還要住醫院住足兩個星期。問到身體康復的進度？他說：「返公司同事話未見過我咁精神，唔可以做太勁運動，食啲有營養嘅嘢。（工作進度？）未正式拍劇，未有咁快，暫時都係出席活動。」

他又透露老婆不時煲愛心湯給他進補：「媽媽同外母都有，依家食住家飯多咗，Keep住去做運動，去行山。（行幾耐？）9個字至1個鐘。依家注意咗健康，每日有休息8個鐘。（囝囝有冇好擔心？）佢哋都掛住我，大仔知我出院好開心，佢係學校同老師講話唔開心，因為爸爸感冒。」