東網電視
更多新聞短片
Connie、思琳及天欣勇闖H14鬼屋，思琳率先伸手在蟲堆中搜索鎖匙，認真大膽！
1/10
萬聖節將至，「寸嘴Barbie」夏尉喻、文凱玲 （Connie）、石天欣及郭思琳四位星秀堂藝人約埋到海洋公園玩哈囉喂鬼屋，近期獲導演王晶力捧的Connie自認細膽，但原來「一山還有一山低」，平日搞笑的Barbie更臨陣投降，不敢試玩最驚嚇的「H14」鬼屋。
Connie、天欣及思琳換上消毒衣走入「H14」鬼屋，為了過關，她們要在蟲堆、濕臭廁格及血腥屍體中找出鎖匙完成任務，嬌滴滴的天欣表現最勇，反嚇跑出來的喪屍，思琳亦無懼沙蟲伸手搵鎖匙，Connie則經常墮後兼被嚇得面青青！其後四女轉場到訪「東瀛魔界遊」，此鬼屋驚嚇度不高，她們開心與各類日式神魔鬼怪合照，曾參選電影《美人魚》選角的Barbie更巧遇日本美人魚。
事後Connie表示闖「H14」鬼屋時嚇到腳軟，問到會否相約男仔壯膽？她笑說：「唔好！我會驚到係咁捉住佢，冇晒儀態！」較大膽的思琳自認死穴是怕黑，怕蟲的天欣大讚今年鬼屋設計豐富，驚嚇度夠高！甚少玩鬼屋的Barbie則笑言怕玩後會發惡夢：「好怕突然有嘢飛出來！所以從來唔參加萬聖節活動。（搵男仔陪？）搵天欣啦！佢咁大膽，外號石破天欣，鬼都驚咗佢！」
思琳被鬼捉實隻手唔放，眾人即驚慌大叫！
Connie伸手入血腥假屍體內，嚇得面青青。
文凱玲與兩位長腳怪男焗桑拿，場面搞笑！
思琳、天欣及Connie被突如其來的喪屍嚇親。
文凱玲、Barbie、天欣及思琳喜遇各式日本鬼怪。
天欣年年都玩鬼屋，難怪練得膽子甚大！
Connie（左起）、思琳及天欣在濕臭馬桶中摷鎖匙，現場氣氛甚為噁心。
自認細膽的Barbie只敢行驚嚇度一般的東瀛鬼屋，並與日本美人魚興奮合照。
郭思琳與貓精靈齊齊扮貓。
